الكنيسة دور عباده ام نادي اجتماعي

في كثير من الاوقات كنت الاحظ الكثير من الذين يترددون على الكنائس ، يستخدمون الكنائس كنوادي اجتماعية

فمثلا كنت الاحظ عدد من الشباب يجلس في فناء الكنيسه اثناء الاجتماعات

مجموعه اخري تجلس مع بعضها البعض بعد الاجتماع لمده تتساوي او تفوق مده الاجتماع نفسه

شخصيات اخري تذهب للكنيسة في نهايات الاجتماع لتحضر فقط فتره مابعد الاجتماع

وكثير من هذه المظاهر وإن حاولت احصرها فلن استطيع

قررت ان يكون اسلوب المقال هذه المره مختلف، لقد قرر ان اسأل مجموعات مختلفه من الشخصيات هذا السؤال

الكنيسة دور عباده ام نادي اجتماعي ؟

ولكم الاجابات

( ن . ت ) : الكنائس في بلاد المهجر بتتحول لخليط من اماكن عباده لاماكن تجمع للمصريين المسيحيين. ده اللي انا شوفته هنا. و مع ذلك فيه نسبه من الناس برضه بتروح الكنيسه للعباده فقط .

القس ( ر . س ) : الرب أعطاني نعمه أني استخدم طاقه الأعضاء والزوار بالكنيسه لخدمه الرب عن طريق فكره انت خادم ومثمر في

عمل الرب كل عاءله ترعي الآخرين وكل شاب يستخدم طاقته في خدمه الرب عن طريق اعرف موهبتك وأشكر الرب بقيادته تم تقليل
جداً الممارسات السابق زكرها الرب صالح.

( م . ك ) : كنت بقولهم فى الخدمه العيال اللى بتيجى للعب الكوره وبس
دا بالنسبالهم نادى مش كنيسه

( م . ظ ) : للاسف نادي

( م . ن ) : نادي اجتماعي بس ايه ، ناقصلة شورت وبسين

( س . ش ) : نادي اجتماعي

( ص . م ) : سيبر ( العيال قاعده طول الوقت فاتحه الموبايل )

( و . ك ) : عالم تحرق الدم

( ع . ر ) : نادي اجتماعي

( ب . ش ) : دور عباده

( ل . ن ) : دور عباده

( م . ف ) : نادي اجتماعي

( ف . ع ): ماقدرش احكم على حد علشان دى اتجاهات قلب

( م . ب ) : لا بقيت نادي اجتماعي

( م . ه ) : لو مافيهاش حضور ربنا هاتبقى نادي اكيد ، اوقات بتكون نادي اجتماعي

( أ . م ) : مش كل الناس بس الاغلب بيكونوا رايحين نادي اجتماعي

( ر . م ) : اكيد دار عباده لكن مع تقديم خدمات اجتماعيه

( ن . م ) : لا طبعا نادي ليلي ، بس مش كله علشان ماكذبش

( م . م ) : هي الكنيسه بقت كده ( اي نادي اجتماع للقاءات والتظبيطات ) او تقدر تقولي ملتقي ثقافي

( ش , أ ) : نادي وش

( م . س ) : صدقني مش عارفة ولا عايزة اعرف

(ي . أ ) : اكيد الكنيسه دار عباده وكمان مستشفى للمرضى زى ما يسوع قال المرضى يحتجون للطبيب ليس اﻻصحاء مينفعش ادخل الاصحاء الكنيسه بس. ساعتها فعﻻ تصبح مش كنيسه

( ج . ح ) : هي مش دور عبادة ، وكانت من فتره نادي اجتماعي ، دلوقتي اقدر اقولك قهوه بلدي


ملحوظه : هذه الاراء من خلفيات وطوائف مختلفه

هل اصبحت الكنيسه نادي ؟

اترك لك الاجابه

كيف يستقيم ميزان ماسبيرو

مينا ابراهيم دانيال                                                            فادى رزق ايوب

شحاته ثابت                                                                   نصيف راضى نصيف

راجى نصيف                                                                  مايكل مسعد جرجس 

ميخائيل توفيق جرجس                                               ايمن صابر بيشاى  

بيتر صابر بيشاى                                                               ايمن فؤاد امين  

جرجس راوى راضى                                                      وائل ميخائيل خليل 

اسامة فتحى عزيز                                                            سعد مهنى ابراهيم

ايمن نصيف وهبة                                                     صبحى جمال نظيم  

هانى فؤاد عطية

دي مش مجرد اسماء ، ولا دي مجرد ارقام بتضاف للعدد الغير معلوم من الشهداء اللي سقطوا من 25 يناير 2011 لحد النهارده .

دول وغيرهم كتير كانوا خارجين يعترضوا علي هدم كنيسه في المريناب – اسوان ، والمطالبه بإقاله المحافظ الذي لم يتخذ اى قرار ضد المعتدين .

ناس كانت خارجه تعبر عن رأيها بسلميه ، ناس رايحه ومعاها اولادها وبناتها ، ناس عندهم قضيه ، ماشيين وسلاحهم في كلمتهم ، قوه هجومهم ايمانهم وعزيمتهم ، عندهم من الاصرار اللى يقدر  يهد جبل.

خرجوا يعبروا عن رأيهم وعن قضيتهم ويقولوا للظلم لاء فكان الرد عليهم بالرصاص والمدرعات

.

كيف يستقيم الميزان وعلى احد طرفيه ( كلمه ) والطرف الاخر ( رصاص ) .

خرجنا في 25 يناير لنطالب بالحريه والعداله الاجتماعيه ولم نطالب بالقهر والظلم والفساد ودوله الامن.

خرجنا وهتفنا ( يا حريه فينك فينك امن الدوله بينا وبينك ) علشان لما تهتف ونطالب بحقنا ونعبر عن رأينا مانتحبسش ولا نتقتل ولا نتهان .

الناس دى خرجت تتكلم وتعبر مش تقتل وتعذب وتعتدي .

ولن اتحدث عن تواطئ الاعلام المصري ضدهم.

لكني سأذكركم ان لا احد ممن كان مسؤلاً عن المذبحه تمت محاكمته حتي الان

سأذكركم ان لم يتحمل احد مسؤلية المذبحه ممكن كانوا في السلطه وقتها ، بل تم تكريمهم من قبل المعزول وتقليده قلاده النيل .

واخيراً تم تكريمه للمره الثانيه بحضوره حفل ذكري 6 اكتوبر .

سأذكركم انهم بالنسبه للكثيرين مجرد ارقام وذكريات مؤسفه ،، لكنهم بالنسبه لاخرين كانوا كل الحياه ، منهم من كان اب او اخ او ابن .

لا نطالب ان من قتل يُقتل

نطالب بتحقيق العدل

نطالب بفتح تحقيق حقيقي في المذبحه

نطالب بأن يتم محاسبه كل شخص مسؤل عن انهاء حياه احدهم بدون وجه حق.

موعدنا اليوم 9 اكتوبر 2013  ، الساعه 5 عصراً ، امام ماسبيرو